Фестивал на камерен театар РИСТО ШИШКОВ

Меѓународниот фестивал на камерен театар ,,Ристо Шишков’’ е единствениот театарски фестивал во Македонија посветен на актерот, а се одржува секоја година во месец септември, почнувајќи од Денот на независноста на Македонија 8^ми Септември. Веќе 22 години, на овој фестивал се доделува единствената награда за високо актерско достигнување која го носи името на големиот македонски актер Ристо Шишков, во конкуренција на актери од земјата и странство. Покрај тоа, се доделуваат и награди од Новата европска театарска асоцијација ,,Нета’’ во која членува и ФКТ ,,Ристо Шишков’’.